Trékyllisvík

Laugardaginn 26. júní 2010 opnar sýning í Kört um þúsundþjalasmiðinn og yfirsetumanninn Þorstein Þorleifsson frá Kjörvogi.

Dagskrá:

14:00 Opnun sýningar í Kört

15:00 Félagsheimilið í Trékyllisvík

Hallgrímur Gíslason mun halda erindi um Þorstein Þorleifsson og Hrafn Jökulsson fjallar um fréttafluttning úr Árneshreppi. Að erindunum loknum munu Árný Björk og Ellen Björg Björnsdætur syngja og spila nokkur lög.

Léttar veitingar - Allir velkomnir

 

Kört verður opin frá 1. júní - 31. ágúst og að venju verður opið milli 10:00 og 18:00 eða eftir samkomulagi.  Stóri viðburðurinn þetta sumarið verður opnun á nýrri stórglæsilegri sýningu um Þorstein Þorleifsson frá Kjörvogi.

 

Trékyllisvík er náttúruperla á Ströndum þar sem hægt er að njóta stórbrotinnar náttúru og fjölskrúðugs dýralífs. Selir, fuglar, rekaviður, klettar og fjöll setja svip sinn á svæðið. Í Trékyllisvík miðri stendur minja- og handverksúsið Kört sem er fallegt safn með munum frá miðöldum til okkar tíma ásamt úrvali af fallegu handverki og listmunum unnum af heimafólki. Skálar og skúlptúrar úr rekavið, textílverk, handprjónaðir vettlingar, sokkar og lopapeysur, skartgripir og fleira. Komið og njótið lifandi leiðsagnar, skoðið fallegt handverk, fáið upplýsingar um svæðið og setjist niður með kaffibolla í notalegu umhverfi.

 

Kört styrkir byggð og mannlíf í Árneshreppi og enginn sem fer um Strandir ætti að sleppa því að koma þar við, skoða safnið og handverkið og fá upplýsingar um svæðið. Frá Kört er stutt í alla þjónustu svo sem verslun, bensínafgreiðslu, sparisjóð, kaffihús, hótel gistiaðstöðu, tjaldsvæði, sundlaug og bátsferðir.